AGOS

Guilt -
In varying degrees
Constant and unceasing
--
Bumabalot -
Na parang rumaragasang alon
Pinupunan -
Ang bawat labas-masok
Bawat kanto at kurba
Ngunit sa mas lalong paglaban
Mas lalong hahatakin pailalim

At ako'y tuluyang nalunod

MGA MUNIMUNI TUWING MADALING ARAW

1. Ang bigat ng boobs ko. Di ko na maalala huli akong nagkaron pero malapit na siguro ulit. Baka rin hindi pa too late at ngayon pa lang sila nagggrow in

2. Lagi akong tumatambay sa mga 711 recently para sa charging station. In conclusion, dapat siguro bumili na ko ng sariling charger. O ng sariling 711. (FYI sa mga tinatry akong kontakin, kaya lagi akong walang charge kasi 5 pesos at a time lang kargang pawer ng cellphone ko )

3. Naalala ko yung times na hindi ko namukhaan sarili kong kapatid dahil hindi niya suot salamin niya at minsan iniisip ko kung bad sister ba ko tapos matatawa na lang ako at magrereminisce kasi siyempre oo

4. Super naeenjoy ko yung serye ng mga nabubulatlat na kaso ng sexual harassment. Like nagssmile yung heart ko. Mabagal na proseso ang pagreadjust ng mga values na inadvertently na-internalize na natin pero mas okey na yung umaabante nang dahan dahan kaysa nakatigil lang

5. Ang daming nagtatalabang feelings sa loob ng soul ko at lyk syet ang napili kong solusyon ay gumawa ng absolutely nothing hangga't sa mag-rot na lang ako internally at tuluyang magkaron ng emotional breakdown na uso naman recently so di ko naman kina-special yan at ayun, kakausapin ko na lang sarili ko sa internet kagaya ng gingawa ko ngayon apir

6. Kasalukuyang 12% na lang ang charge ng cellphone ko kaya malamang ay tutungo na ako sa 711 para na rin ma soothe ang current ngunit bihira kong longing for human interaction. Homies mga cashier don at kinamusta pa ko minsan kasi mukha raw ako malungkot pero hungover lang talaga ako non pero tenks for the concern super appreciated i felt so loved at minsan need lang talaga ng love galing sa mga taong di mo ineexpect kagaya ng mga cashier sa 711 sa F Dela Rosa at i mean okey lang na may inaasikaso kayong iba at mas happy kayo sa kanila pero pag unconditional naman yung love like keri lang okey tama na sa pagtype

KUMPISAL

Yung may isang libong bagay kang gustong sabihin pero may kaakibat ding isang libong dahilan kung bakit mas makabubuting ikubli na lang. At pipigilan ang mga daliri mula sa pagpindot ng mga letrang hindi na dapat isatitik - pangungumpisal na mananatiling nakatahi na lamang sa pagitan ng mga salitang wala naman talagang ibig-sabihin.


syet nu raw super meta nito also ang arte ko

PAANO BA MAGDEACTIVATE NG FEELINGS CHAROT

Paano ba ma-xp kultura ng ibang tao nang walang nagaganap na appropriation? Kahit gaano ka pa ka-integreted o ka-genuine ng intentions mo, taga-labas ka pa rin kahit anong mangyari. Ewan ang daming kontradiksyon sa buhay.

Moreover, parang tanga lang yung bawat gabing pag reactivate-deactivate ng twitter dahil nakaka-fomo yung di ko nakikita tweets ng mga partikular na tao lel. Like ano yung point bakit di ako maglog-out lang gurl anek 

Sana pwede ganon sa totoong buhay, ano? Patay-sindi, log-in-log-out ka lang pag trip mo. Luh

DULO'T DULO

Para sa huling pagkakataon
Pinagtugma ang pintig ng mga puso
Hangga't sa di  na mawari
Kung kailan nagtatapos ang akin
At kung kailan nag-uumpisa ang iyo

Nang biglang napagtanto
Na ang bawat umpisa
Ay nangangailangan ng pagtatapos
At ang bawat pagtatapos
Ay nagbubunsod ng bagong umpisa

BLESS ME KAUSAP KO SARILI KO ANUNA

Hoy gurl yung mga kausap mo nga kahapon dinadakip lang basta basta ng militar at kinakamkam ang lupang katutubo ng mga malalaking korporasyon. Tigil mo na drama mo huy ikasusurvive mo yan ur strong kaya mo yan bili na lang kita potato corner bukas

Nagdeactivate ako ng twitter para di magdrama pero lumipat lang ako ng midyum tbh lol

TTYL

Mga desisyon ko sa buhay recently di ko sure pero either sobrang mali o sobrang tama. Walang pagitan

Jusq lordt anuna

ANONG MAGAGAWA MO SA 1000 PESOS MO?

Alam naman nilang walang magagawa sa budget na ganun kaliit. Mas alam nila lalo na hindi naman iyon papasa.Ibang usapan na ang pagiging tama o mali ng kinalabasan ng botahan, kung ginagawa ba talaga ng CHR ang mandato nila o hindi.

Ang pagtalaga ng Php 1000 na budget ay simpleng pagpapakita ng kapangyarihan. Ang pera ay pera lang, hindi ito dadaloy nang walang tulong. Pero ang pagtanim ng kultura ng pananakot at pag-abuso ng lakas, ‘yun yung mas delikado dahil ‘yun ang nanunuot - yung unti-unti na lang nagiging parte ng kamalayan nating dapat katakutan ang mga nasa itaas, na normal lang na ginagago tayo ng estado.

Maya maya, inuuntog na pala ang sarili sa mga rehas ng hawlang pinasok natin nang di namamalayan.

Naloka c aqoehx

MAKAMUNDONG THOUGHTS @ 6 NG UMAGA KASI HINDI AKO MAKATULOG

1. Dabest yung SandwichxBP collab sa Coke Studio chuchu. Also, def les para kay Ourselves the Elves girl di ko mai-put to words

2. Kakapanuod ko lang kanina ng Whiplash at mas dark siya than I expected piru ang gunduh. Nabagabag feelings ko sa character development jusq. Pero in a good way

3. Guilty pleasure kong manuod ng mga reality show. As in yung mga mababaw na puro sigawan lang tungkol sa wala. I tell myself na pinapanuod ko sila ironically pero naeenjoy ko talaga. Tapos papasok tatay ko sa kwarto ko at makikita ko siyang nadidisappoint sa pagkatao ko pero kasi kailangan ko talagang malaman ano nangyari sa diamond earring ni Kim Kardashian ok

4. Wala pang dalawang linggo na zero exercise at nabobobo na yung sira kong tuhod. Gusto ko lang magpahinga pls lorde y wont u let me. Life tip: huwag mainjure kasi forever mong kailangang i-maintain at sobrang gastos po mag-enroll sa gym

5. Sabi ko sa sarili ko na bilang part ng self improvement ko ay babalikan ko mga luma kong hobby. So tinry ko tumugtog ng piyesa kanina kaso wala sa tono yung piano kaya pumunta na lang ako sa kusina at kumain ng cake. Sinubukan ko talaga

6. Every year, i make it a point na maging underwhelming birthday ko. Kaso kung sinasadya kong wag bigyang meaning, hindi ba yon isang act ng pagbibigay meaning in itself? Ewan dami kong arte sa buhay

7. Nanuod din ako nung isang araw ng Love You to the Stars and Back. Husay umarte nung Joshua Garcia. Sobrang John Lloyd nung dating. 11/10 would recommend para lang maappreciate ng iba acting chops nung batang to. At not to my surprise, umiyak ako. Di ako iyakin irl pero todo hagulgol lagi sa mga pelikula idek pano yon nangyayari

8. Kung pwede lang, magkokorean bbq ako araw-araw. Nasasatisfy ako sa pagbalot ng meat sa dahon. Yung marahan mong kukunin yung nag-iinit na karne at ilalatag sa madulas at mamasa-masang dahon. Tapos babalutin mo nang mahigpit at dahan-dahang isusubo sa naglalaway mong bibig. Sarap.

Well that took a weird turn. Abrupt ending

MGA PAGMUMUNI MULA SA NAGDAANG WEEKEND

...at sa mga linggo leading up to it. Bago tuluyungan mamatay ang hype. At para na rin lowkey  magparinig charot .

1. Training lang ang sagot. Dahil talo ng banong may structure ang magaling na nagbabara-bara lang. Mas okey ang magaling na may structure tho pero si jesus na lang ang makapagdadala satin don.

2. Kaso kahit na araw at gabi pa kayo magsanay, di nakukuha sa dalawang buwang training ang maturity at experience. Ako nga naka-apat nang laro sa labas ng bansa, olats pa rin. Ganon talaga buhay.

3. Hindi pwede magcoach-coachan at maglaro nang sabay. Magkaibang wika ang ginagamit. Maglalabas ka lang ng frustration sa maling mga lugar kung utak-player ang laging nananaig. Referee na lang sa sunod, mas simple, walang attachment. Chos

4. I-dive lahat ng score attempts pota mukha kang tangang laging nasa lapag pero makakaiskor ka rin. Mga 90% ng score ko hindi magiging score kung di ko dinive. The lupa is your friend. Embrace it.

5. Sabi ko have fun lang kaso parang mas fun manalo hahahahhahasel

6. Ang beautiful maki-team work sa ibang team. Lalo na yung pag talunan na kayong lahat. Go Philippines lamang na naman mga dayuhan satin pero okey lang yan darating din ang atin. Malamang sa tulong pa rin ng mga dayuhan pero lunok lunok na lang ng pride

7. Hindi porket kaya mong gawin, gagawin mo na dahil feel mo lang. Team kasi to, hindi showchase ng shet mo. Kapogian is earned, hindi dinadaan sa unnecessary papogi moves. Gawa ka sarili mong team tas parepareho kayong huwag magpasahan badtrip

8. Skwating sa laro is skwating in real life. Walang makapagsasabi sakin ng iba. Mas mahalaga pa rin honor at integrity (awuw big words) mo bilang tao kaysa sa mga marka sa score board. Kung kaya mo magtake advantage ng kapwa mong super obvious na walang kakayahang depensahan ang sarili, para lang makausad ka, ewan ko na. Kahit pa technically allowed yan. Kahit pa "parte lang ng laro" o "trabaho lang." Ikaw na dapat magkusa e. Lahat ng ginagawa mo sa lahat ng parte ng buhay mo ay manipestasyon ng pagkatao mo. Period no erase.

May malalim tong hugot sa pangkabuoan kong life reflections kaya f na f ko. *Lapatan ng mga konsepto ng oppressed at marginalized, naghaharing uri, privilege, agency, batas at structure.* Wala, pinacomplicate ko lang bye

9. Alam kong politically incorrect yung salitang "skwating" pasensya na

10. Pero kahit pano mo pa pagbali-baliktarin, kung mahal mo, mahal mo talaga. Charot tama na ayoko na

5 REALIZATIONS MULA SA NAKARAANG MGA LINGGO

1. Mahirap mapilayan ng parehong thumbs nang sabay. Ang stragel magbuhat ng mabibigat na bagay at magbukas ng mga bote at magtali ng buhok. In other words, di talalaga masyadong stragel at maarte lang ako

2. Magkakaroon ako ng period sa isang partikular na weekend na maraming takbuhang magaganap. Literal na dugo't pawis yak

3. Madaling kumita ng pera pag magaling mag-Ingles. Maraming salamat sa mga imperyalistang mananakop!

4. 45% of the time wala akong load. Yung isa pang 45%, ubos ang battery. Yung natitirang 10%, saka lang nagkakaroon ng tunay na silbi ang cellphone ko at sana mangyaring mahagilap niyo ko sa mga panahong iyon. Applicable din ito sa thesis adviser kong hiniraman ko ng mga libro na di ko pa naisasauli sorry sir gwapo ka naman cheka

IKA-40

Nakikita kita sa bawat paruparong lumilipad, sa mga kandilang nagpapatay-sindi ang alab, sa mga pinakawalang lobong ngayon lang nagsilaglag.

Tanda sa sarili:

Ako ay anak ng aking ina 

At walang makatitinag sa akin 

Sapagkat walang tuminag sa kaniya 

Note: Persona not me

LOVE WINS: A CASE STUDY ON THE MEAD-KINGS char

Kanina pa ako nanunuod ng mga interview nina Joey at Angelina Mead King (formerly Ian King). Interesante lang dahil:

1. Hindi tulad ni BB Gandanghari, kasal si Angelina noong nag-transition, at nanatiling kasal. So isang malaking apir kay Joey sa pagiging accepting niya. Tru lab po ang tawag diyan

2. Paano mag-aapply ang batas sa Pilipinas sa mga ganitong kaso assuming na legally ay babae na si Angelina. Ang gandang loophole nito. Unless di sila sa Pilipinas kinasal

3. Pinapalitan ni Angelina apelido niya para magamit din yung maiden name ni Joey and I think that's beautiful. Nakatutuwa lang kasi if ever magpakasal ako, desidido akong hindi magpapalit ng surname dahil a) smash the patriarchy at b) feeling ko lang magandang pangalan ang Pauline Fernandez waw ang conceited

4. Transwoman siya na ang preference ay babae pa rin. Kakaiba lang kasi yung mga nakikita ko kadalasang mga kaso ng pag-transition ay may kasama ring revelations tungkol sa orientation nila. Sharing lang na naisip ko na dati kung baka di ko pala type mga lalaki bilang mga 20 years akong NBSB kahit na may uma-aura naman sa kagandahan ko. E ayon, late bloomer lang, ang landi ko pala. Shoutout sa mga malalandi diyan, pagpalain kayo (tayo) ng diyos

5. Sa pagstalk ko kay Angelina, makikita na yung mga hilig niya sa lyf ay mga bagay na traditionally masculine pa rin, maliban sa fact na nagbibistida na siya ngayon. Further transcending norms pagdating sa usapin ng kasarian

Ang saya lang kasi siyempre hindi naman sila ang unang couple na may pinagdaanang ganito, pero sila kasi yung unang kilalang mga figuries sa Pilipinas na ikinaharap ito publicly (afaik). At pinapatunayang ang tunay na pag-ibig ay simple lang at kayang igpawan ang kung ano mang kasalimuotan ng seksualidad.

WALANG BUNGA TUWING TAGTUYOT

Nagbunot ng tinik para lang magbigay espasyo sa pagtanim ng mga bago.

Tagubilin:
Gamitan ang lupa ng mga hindi-ko-sinasadya upang palambutin. Gumawa ng maliliit na mga hukay na puno ng mga walang-ibig-sabihin. Ibaon ang punla ng mga anong-nangyari-kagabi. Matapos ay diligan ng alak-lang-siguro na kay rami-rami.

Malago na ngayon ang mga rosas sa aking hardin


***
Afterword: homage sa kalandian ng sambayanang Pilipino

CHAROT

Pag nga naman nacharot yung charot, machacharot ka talaga. Puro ka kasi kacharotan, pati yung di naman dapat macharot, nachacharot. Tapos yung mga dati pa dapat chinarot, di naman nacharot. Paano tayo makakacharot niyan, aber?

Anu't ano pa man, makatutungtong din tayo ng Malcolm. Iyak kaunti. Tapos chacharot muli.

HINGGIL SA KONTRADIKSYON

Sa pagsuri ng kasaysayan, lagi nating tinitignan ang mga mahahalagang kaganapan. Maingat nating minamapa ang bawat punto upang mabigyang kahulugan ang kasalukuyan. At minsan, upang magkaroon ng pangitain ng hinaharap.

Ngunit ang laging nakakaligtaan ay ang halaga ng mga hindi natitiyak, hindi nabibigkas, hindi natatala. Hanggang sa tuluyan na lang na masasantabi at mababaon sa limot. Sa kabilang banda naman, may taglay ding panganib ang mga hindi binibigyang pansin; maaaring handa ka na pala nitong lamunin nang buo, hindi mo man lang namalayang kanina pa pala itong umaaligid.

At pag nahulog na mula sa mga toreng inaagaw na ng mga mismong naglatag ng semento't graba, huwag niyo sabihing hindi kayo binalaan

HUBAD AT HILAW

Sa isang kilalang teoryang panlipunan ay iprinepresenta na ang tao ay mayroong iba't ibang mukhang ihinaharap depende sa sitwasyong ginagalawan. Tila lumilipat mula sa isang entablado tungo sa susunod, kung saan paiba-iba rin ang ginagampanang tauhan. Iba ang ikaw na pumapasok sa klase, sa ikaw na nakikipag-inuman sa mga kaibigan, sa ikaw na umuuwi sa piling ng minamahal. Ang bawat tauhang ihinaharap natin sa mundo ay isa lamang sa maraming bersyon ng malawak at lumalawak na sarili.

Ngunit sa kabila ng mga manipestasyon ng kasalimuotan ng pagkatao, hindi tayo mahihiwalay sa pundasyon ng ating sentro- na matutuklasan lamang daw 'pag naglambitin sa bingit, 'pag itinulak sa kanto. Pagdating sa mga kasagarang ito, magsisimula na ang proseso ng paghanap ng pagkakakilanlan.

--

Sasalatin ang kalahatan ng katawan, bawat papasok at pailalim. Kakabisaduhin ang mga paso't pilat, mga galos na lihim. Yayapusin ang nagmamanhid na balat, ang nag-iinit na laman. Saka ihahain nang buong-buo, ngunit nang marahang-marahan. 

At maghihiwalay na ang mga kurtina para sa isa pang pagtatanghal, kung saan ang tauhan ay ang ikaw, na tunay at dalisay, hubad at hilaw. 

DITO NA LANG AKO MAG-IINARTE BILANG NAG-DEACTIVATE ULIT AKO NG TWITTER

Bakit ba laging iniisip ng mga tao na masungit ako?

Dahil ba hindi ako kumakausap ng ibang tao, at hindi ako bumabati pag may nakakasalubong, at laging umaalis nang maaga, at hindi marunong mag-eye contact o mag-small talk?

Ha! Akala niyo a! Di ako masungit! Mayroon lang akong malalang social anxiety at mababang self-esteem!




Saglit. Shet...

MGA BAGAY NA SINUSUPIL NA ALAM NATING HINDI DAPAT

1. Ang pag-angkin ng taumbayan sa mga pwersa ng produksyon

2. Tunay at mapagpalayang rebolusyon

3. Feelings

HINDI BIRO ANG MAG-ALAGA NG ELEPANTE

Ano ang gagawin kung mayroong elepante sa loob ng kwarto?

Option 1:
Huwag pansinin. Hayaan lang itong gumala-gala at mamuhay nang mapayapa. Kahit na inako na ng elepante ang kwarto, matutong maging kuntento sa sulok kung saan unti-unti kang itinulak nang itinulak.

Option 2:
Buong tapang na harapin. Maaari itong pumayag na gabayin paalis (kung maswerte). Maaari ring magwala ang naturang elepante at wasakin ang lahat ng nasa daan nito.

Option 3:
Alagaan ang elepante. Hayaang maging parte ng pang-araw-araw na buhay. Edi pareho na kayong masaya. Kaso nga lang, hindi nararapat na manirahan ang elepante sa isang kwarto. Darating din ang panahon na kailangan itong palayain. Ngunit habang naghihintay: kupkupin, paliguin, pakainin, mahalin.


* * *
Charot anyare maka-insert lang ng love

PROBLEMANG PETI-B #1

Bale gusto kong i-deactivate ulit yung facebook account ko sapagkat ang dali kong ma-distract as a person. Kaso nga lang, nagreply ako nang mahahabang mga comment sa mga post ng mga tao na patungkol sa seryosong usapin. Ngayon, pag nag-deactivate ako, mawawala yung mga naturang comment. At magmumukha akong nag-pussy out mula sa mga diskusyon. Problema yon sapagkat maliban sa madali akong ma-distract, ma-pride din ako as a person.

At dito nagtatapos ang unang yugto ng Problemang Peti-B kasama si Pauline Fernandez.

Next episode's preview: Putangina ko, ang daming nagugutom sa mundo pero ang dami ko pa ring inarte. Di naman ako mapapakain ng pride ko.

PAANO NGA BA LAKBAYIN ANG PANAHON

Paborito ko ang kahit anong may kinalaman sa time travel. Lalo na yung mga tipong bumahing ka lang habang nasa nakaraan, unti-unting nang mabubura ang buong angkan niyo mula sa balat ng lupa. May angking kagandahan ang pagbuo ng mga kontradiskyon at gusot sa mga akala nati'y tuwid lang ang takbo - ang pagkakaroon ng kakayahang magbunsod ng pagbabago.

Ang isang mahalagang natutunan ko sa panunuod ng oras-oras na mga sine at palabas, ay na kahit ang pinakamaliit lang na pagkakaiba ay maaaring ganap nang sirain ang buong timeline. Ang bawat desisyon (o kawalan ng desisyon) ay nakapagdudulot ng kaibahan sa daloy ng kasaysayan. Lumilikha ito ng mga daigdig na hiwalay sa kung paano natin ito kasalukuyang kinikilala.

Halimbawa na lamang ay noong sinabi niyang mahal ka niya at hindi ka niya iiwan. Maaaring buo nga ang intensyon niya, kaso nga lang nag-iiba ang tao, at bumabaluktot ang panahon. Hindi siya sinungaling o manloloko - marahil mayroon nga talagang isang buong daigdig kung saan minahal ka nga niya at hindi iniwan. Sa kasawiang palad nga lang, iba ang realidad na ginagalawan natin ngayon.

Ngunit ano bang alam ko? Panahon na lang ang makapagsasabi kung mananatiling halimbawa ang halimbawang to.

I'M DRUNK, I LOVE YOU: ISANG PAGNINILAY-NILAY

Hindi ako estranghero sa mga pag-amin ng pag-ibig. Lalo pa iyong binitawan mula sa bibig na linulunod ang paligid ng amoy ng alak at pagsusumamo. Maaaring hindi ko nga kasalanan kung hindi kita mahal. Subalit nakanino ang pag-aako, kung kahit pa pabalik kitang mahalin, ika'y hinding-hindi pa rin pipiliin.


Disclaimer: Super charot onli, persona not present me

I NEED SPACE

Masalimuot ang relasyon ng espasyo't temporalidad. Kung ang isang bagay ay mayroong distansiyang linakbay, nangangahulugang mayroong panahong lumipas. Ngunit ang kabaliktaran ay walang katiyakan - na ang paglipas ng panahon ay nangangahulugang may paglakbay na distansiya.

Maaaring matapos ng hindi-na-mabilang na pagpitik ng mga kamay ng orasan, magugulat ka na lang sa pagtuklas na nananatili ka pa rin sa puntong pinagsimulan.

Mapanlinlang ang panahon, tulad ng panlilinlang ng mga pangalang matagal nang nalimutan - dinaan ka lang sa palamuti't matatamis na salita.



Disclaimer: Charot lang

RESBAK

Magdadalawang taon na pala mula nung huli akong magsulat dito. Ngunit sa dinami-dami ng nagbago sa loob ng matagal na panahon na ito, isa lang ang panigurado -

di pa rin ako grumagraduate mula sa kolehiyo! Ayos.


Waw daming time, 100 pages pa kailangan kong basahin. Garfinkel, paulit-ulit lang naman sinasabi mo, ano ba.